عايزين نفك شويه من ارف السياسه والبلاوى دى ونفتكر مواقفنا واحنا عرايس مع ازواجنا اللى تضحك
انا وانا قاعده كده حضرنى موقف حلوه حضرنى دى
المهم انا جوزى مالوش فى الافلام الاجنبى خالص مسرحيات وحاجات كوميدى وصاحبتك بقى كانت غاويه افلام اجنبى واتحرمت منها بسبب سيطرته على الريموت فكنا فاول الجواز بيسيب لى الريموت شويه فجبت فيلم اجنبى الفيلم ده كان فيه دود وكده خلصنا الفيلم وهوب على السرير عدل نمنا بصيت لقيتلكم فيه دود خارج من دماغ جوزى وجاى ناحيتى قمت ماسكاه من دراعه وانا مفزوعه قوم قوم بسرعه دماغك خارج منها دود وهو ياعينى كان رايح فى النوم خالص قام جرى من السرير على الحمام نط ودماغه تحت حنفية الحوض يغسل فى راسه ولما فاق رجع قاد نور الحمام وبص فى المرايه ملقاش حاجه لا وكمان وهو فى الطريق نفض دماغه على السجاده قال علشان يشوف الدود يانهار اسووووووووووووح المهم رجع لقانى فى سابع نومه تانى يوم بيتصل بيا من الشغل بيقولى دود ايه اللى صحتينى علشانه ياللى منك لله اتارينى كنت بحلم
مواقفكم بقا ياحلوين