السلام عليكم يا فتوكات


هحكيلكم حكاية الأكلة دي

اختي بتحب تشيليز أوي فقالتلي انا كلت لحمة ستيك ووصفتها دورت على طريقتها على موقع أمريكي و طلعت دي طريقتهم في عمل اللحمة أو الفراخ المقلية الريفية

هتلاقوا اسمها لو فراخ زي العنوان

و لو لحمة اسمها country fried veal

و الاتنين نفس الطريقة

هي فيها تكة بسيطة جدا في الأخر و انها من غير بقسماط

سهلة جدا و طلعت تحفة اللهم بارك

و أدي الصورة للتشويق
 فراخ مقلية ع الطريقة الأمريكية الريفية :)*** 479955_10152431083240157_233380424_n

المقادير :

صدور فراخ بانيه
ملح و فلفل و بابريكا
دقيق
بيضتنين
كوب لبن

الطريقة :

أول حاجة هنتبل الفراخ بملح و فلفل و بابريكا

بعدين نعملها في الدقيق و بعدين في البيض و بعدين في الدقيق مرة تانية

و نقليها في الزيت يكون الزيت سخن أوي و بعد ما نحطها نقلل درجة الحرارة عشان الفراخ تستوي نسيبها لغاية ما يكون لونها دهبي " خالوا بالكم دا دقيق مش بقسماط يعني هتاخد وقت لغاية ما تصفر

لما تطلعيها غطيها بفويل الألمنيوم

بعد كدا هتدلقي معظم الزيت اللي حمرتي فيه الفراخ هيكون فيها دقيق لونه بني هتسيبيه كله و بعدين تنزلي كوباية اللبن و تصلبي لحد ما يتحول لصوص بني اقفلي عليه النار عشان ما يتحرقش و صبيه ع الفراخ

و بالهنا و الشفا
 فراخ مقلية ع الطريقة الأمريكية الريفية :)*** 388348_10152431083865157_1248105424_n